success closed Loading...

“Qızıl qlobus”un laureatları açıqlanıb La La Land tarixi rekordu yeniləyib + VİDEO

 

“La La Land” filmi “Ən yaxşı komediya və ya müzikl” nominasiyasında “Qızıl qlobus” mükafatını alıb.

Enter.News-un "The Hollywood Reporter"-ə istinadən verdiyi xəbərə görə, film “Ən yaxşı ssenari”, “Ən yaxşı rejissor işi, musiqi  və orijinal mahnı” nominasiyalarında da mükafata yiyələnib. Əsas rolların ifaçıları Rayan Qoslinq və Emma Stoun da “Qızıl qlobus”a layiq görülüblər.

”Ən yaxşı dramatik film” adına “Ay işığı”, “Dəniz sahilində Mançester” filmində rol alan Keysi Afflek “Ən yaxşı drama aktyoru”, “O” filmində  rol alan İzabel Yupper “Ən yaxşı drama aktrisası” adını qazanıblar. 

“Tac” filmi “Ən yaxşı dramatik serial”, “Zveropolis” isə “Ən yaxşı animasiya  filmi” seçilib.

Sayca 74-cü “Qızıl qlobus” mükafatının təltifetmə mərasimi Los-Anceles şəhərində keçirilib.

Qeyd edək ki, La La Land filmi 7 mükafatla yeni tarixi rekordu müəyyənləşdirib.