success closed Loading...

Müstəqil Azərbaycanın dördüncü Baş naziri - Pənah Çodar oğlu Hüseynov + DOSYE

Fəaliyyətə başladığımız gündən oxucularımızı tarixi yazılar, məktublar və maraqlı araşdırmalarla tanış edirik. 09.01.2017 tarixindən etibarən isə Enter.News 1918-ci ildən bu günə kimi olan Azərbaycanın Baş nazirləri – hər bir Baş nazir haqqında geniş və təhlil yazıları təqdim edir.

Bu o demək deyil ki, bu yazıları təqdim etməklə biz onları və onların fəaliyyətini təqdir edirik. Sadəcə olaraq bu bizim keçmişimiz  və tariximizdir. Keçmişimizi yaxşı öyrənək ki, gələcəkdə oxşar səhvlər buraxmayaq…

İndi təqdim etdiyimiz şəxs isə 1993-cü il aprelindən iyununa qədər Baş nazir olan Pənah Çodar oğlu Hüseynovdur.

(Müstəqil Azərbaycanın üçüncü Baş naziri haqqında bu linkdən oxuyun)

news-detail

Pənah Çodar oğlu Hüseynov 1957-ci ildə Sabirabad rayonunun Qaradaşlı kəndində kolxozçu ailəsində anadan olub. 1975-ci ildə Qaradaşlı kənd orta məktəbini bitirdikdən sonra Sabirabad rayon kolxozlararası tikinti idarəsində fəhlə işləyən P.Hüseynov Bakıya gəlmiş və Azərbaycan Dövlət Universitetinin tarix fakültəsinə daxil olmuşdur.

1980-ci ildə Bakı Dövlət Universitetinin tarix fakültəsini, sonra Azərbaycan EA Fəlsəfə və Hüquq İnstitutunun aspiranturasını bitirmişdir. İxtisasca tarixçidir. Sonralar tarix-diyarşünaslıq muzeyində işləmiş, Fəlsəfə və Hüquq İnstitutunda Xalq Cəbhəsinin təsisçilərindən biri olmuşdur. AXC-nin rəhbərlərindən birinə çevrilmiş P.Hüseynov Xalq Cəbhəsinin İcraiyyə Komitəsinin sədri seçilmişdir. AXC hakimiyyəti ələ aldıqdan sonra P.Hüseynov yüksək dövlət vəzifələrinə gətirilmişdir.

1992-ci il 20 may tarixində Azərbaycan Respublikasının dövlət katibi təyin edilmişdir. 

news-detail

1993-cü il aprelin 28-də Azərbaycan Respublikası Milli Məclisinin qərarı ilə baş nazir vəzifəsinə təsdiq edilmişdir. 1993-cü il iyunun 3-də Heydər Əliyevin fərmanı ilə vəzifəsindən azad edilmiş və Azərbaycan Respublikasının Milli Məclisi bu qərara həmin gün razılıq vermişdir.

P.Hüseynov vəzifədən getdikdən sonra AXC liderlərindən biri kimi siyasi fəaliyyətini davam etdirmiş və 2002-ci ildə Azərbaycan Xalq Partiyasını yaratmışdır. O, 2005-ci il noyabrın 6-da Azərbaycan Respublikası Milli Məclisinə keçirilən seçkilərdə deputat seçilmişdir.

P.S. Yazı tarix elmləri doktoru, professor Musa Qasımlının və Cavid Hüseynovun həmmüəllifi olduqları “Azərbaycanın baş nazirləri” kitabından götürülüb.