success closed Loading...

Vaqif Əlixanlı: “Azərbaycanda tərcümə və dublyaj sahəsi çox bərbad vəziyyətdədir” Müsahibə + FOTOLAR

 

Enter.News “Qobustan” jurnalının baş redaktoru, yazıçı-tərcüməçi Vaqif Əlixanlının APA-ya müsahibəsini təqdim edir.

İki ildən sonra “Qobustan” jurnalının yaşı 50 olacaq. Vaxtilə Anarın, Fikrət Qocanın baş redaktorluğu ilə nəşr olunan dərgiyə indi Vaqif Əlixanlı başçılıq edir. Bütün dünyanın bir monitora sığışdığı bu zamanda rüblük “Qobustan”ın yeri necə görünür, bunu bir əlin barmaqları qədər olan oxucuları daha yaxşı bilər. Rayonlardan onsuz da əlimizi çoxdan üzmüşük, bu heç. Bakıdakı köşklərdən jurnal tapa bilənə mükafat düşür. Məsələn, görün necə məzəli dialoqdur:

-“Qobustan” jurnalı sizə gəlir?

- O jurnal indi çıxır ki?

- Hə, çıxır...

- Mən elə bilirəm, “Qobustan” Sovetin vaxtında bağlanıb...

Vaqif Əlixanlı belə bir jurnala rəhbərlik edir. Əlbəttə, mən buna təəssüf edirəm, amma bu təəssüfə nə verirlər? Özü kasıb olan “Qobustan”ın otağı da kasıbdır, kədərlidir. Əziz Vaqif müəllim inciməsin, redaksiyanın üz-gözündən lap miskinlik yağır. İçəri girdinmi, pəncərənin ağzında beş-on kitab görərsən. Üst-üstə qalaqlanıb bu unudulmuş odada qəmlənirlər. Ona görə unudulmuş ki, nə oxucu var, nə müəllif tapılır, nə də urvatlı qonorar verə bilirlər. Elə hər şey də qonorarın başındadır. Məsələn, siz 15 manata yazı yazarsınız? Düz edirsiniz, heç mən də yazmaram! Ürəyinizdən keçəni oxudum: nə məcburdur, bağlasınlar, hə? Niyə, nə dərd-bəla var, elə ədəbiyyatı, incəsənəti tapmalıdır?! Bu ritorik-sadəlövh suala görə üzr istəyim, keçək müsahibəyə...

* * *

- Vaqif müəllim, səhvim varsa, düzəldin: mənə həmişə elə gəlib ki, siz mətbuatın nəzərindən uzaqda olmusunuz. Daha doğrusu, ortada bir ögeylik olub...

- Tamamilə haqlısınız. Mətbuatın həftədə bir dəfə danışdırdığı, ortaya çıxardığı adamlar var. İş belə gətirib ki, mən o adamlardan olmamışam. Görünür, bu mənim xasiyyətimdən irəli gəlir. Üzr istəyirəm, özünü gözə soxmamaq bizim nəsildən gəlir. Azərbaycan ədəbiyyatı və incəsənətində “bu, mənəm” deyən oğullar çox azdır. Tərif kimi çıxmasın, özümü onlardan biri sayıram. İndi cavanlı-qocalı yazıçılar arasında mübarizə gedir ki, mən Nobel almalıyam.

“Bugünkü Azərbaycan ədəbiyyatı çox zəifdir. Bizimkilər ancaq özünü tərifləməklə məşğuldurlar”

Amma fakt odur ki, o adamlar Avropa ədəbiyyatının qabağından qalan mövzularda əsərlər yazırlar. Bütün səmimiyyətimlə deyirəm: bugünkü Azərbaycan ədəbiyyatı çox zəifdir. Bizimkilər ancaq özünü tərifləməklə məşğuldurlar. Hazır ədəbiyyatçılar var: əsər çıxmamış, yox, ona əsər demək olmaz, inşa çap olunmamış, resenziyalar yazırlar.
 


- Ümumi danışırsınız. Fikrinizi konkretləşdirə bilərsiniz?

- Yox, belə fikrim yoxdur. Heç kimin xətrinə dəymək istəmirəm. O “facebook” ədəbiyyatı ki var, buna çox qeyri-ciddi baxıram. Bütün o “facebook” ədəbiyyatı Əli Vəliyevin bir romanına dəyməz. Mən ümumiyyətlə, bədii əsəri ancaq kitabdan oxumağı sevirəm. Heç qəzetdən də oxuya bilmirəm. Kitab mənimlə söhbət edir. “Facebook”, internet isə bunu edə bilmir. Elə bil, “facebook” qıçını-qıçının üstünə aşırır, ağzında saqqız,  mənimlə yuxarıdan aşağı danışır. Bu cür münasibəti qəbul edə bilmirəm. Təəssüf ki, kitaba həvəs yoxdur. Sovet ideologiyasına həmişə ağız büzmüşəm, hətta nifrət etmişəm, amma baxıb görürsən ki, kitaba, yazıçıya münasibətdə sovet ideologiyası çox irəli gedibmiş. Bu dəqiqə yazıçının maddi vəziyyəti yaxşı deyil. Bir romana uzaq başı 600-700 manat pul verirlər.

- Hekayəyə də 20 manat...

- Bununla yazıçı dola bilər? Allah rəhmət eləsin, İsa Hüseynov deyirdi, Vaqif, mən “Doğma və yad adamlar”ı qonorarını almaq üçün kisə aparmışdım, o pulla “Volqa” aldım, sonra ailəmlə istirahətə getdim. Baltikyanı ölkələrdə, Rusiyada ədəbiyyata qiymət verirlər.

Yəni kitablar satılır. Bizdə isə satışa ümid bağlamaq olmaz. Ən yaxşı əsər iki nüsxə satılar, ya yox. Çox təəssüf ki, biz müstəqil olan kimi başladıq Baltikyanı ölkələrin yerişi ilə yeriməyə ki, qoy yazıçı öz əsəri ilə dolansın. Alan yoxdur axı! Bizdə ədəbiyyat təəssübkeşliyi yoxdur. “Akademkniqa” tez-tez gedirəm. İki saat gəzirəm, kitabları vərəqləyirəm, amma birini almağa imkanım yoxdur. Ən azı on-on beş manatdır.

- “Qobustan” jurnalının baş redaktorunun on manata kitab almaq imkanı yoxdur. Bunu necə başa düşək?

- Başa düşək odur ki, məsələn, həmin on manatı ailədə başqa şeylərə xərcləyirəm.

- Bu da ədəbiyyat adamının güzəranı. Buna güzəran demək olarsa...

- Hər birimizin dolanışığında sıxıntı var. Sağ olsun Azərbaycan hökuməti ki, Kütləvi İnformasiya Vasitələrinin İnkişafına Dövlət Dəstəyi Fondunu yaradıb. Biz həmin fondun hesabına jurnalları çıxarırıq, yaman-yaxşı qonorar veririk. Bütün çətinliyə baxmayaraq, mən hər şeyə nikbin baxıram.

“Ən yaxşı əsər iki nüsxə satılar, ya yox. Bizdə ədəbiyyat təəssübkeşliyi yoxdur”

Nikbin baxıram o sarıdan ki, ədəbiyyatda, incəsənətdə dəniz kimi qabarma-çəkilmə olur. Nə yaxşı, muğama Mehriban xanım Əliyeva yiyə durdu, dünya çapına çıxardı. Mən bunu ən böyük nailiyyətlərdən biri sayıram. Qaldı ki, başqa sahələrə... Bilirsiniz, indi çəkilmə dövrüdür. Tutalım, bəyənmədiyimiz 37-38-ci illərdə Üzeyir bəy “Koroğlu”nu yazdı. 60-70-ci illərdə Azərbaycan teatrı çox güclü idi. Çox təəssüf ki, indi onu demək olmur. Mən on il Mədəniyyət Nazirliyində teatr və konsert müəssisələrinin rəisi işləmişəm. Nə yaxşı, o vaxt mənim hər teatrın ildə bir cavan müəllifin əsərini tamaşaya qoyması barədə təklifimi qəbul elədilər.

- Səhv etmirəmsə, “Qobustan”a üç il əvvəl baş redaktor təyin olunmusunuz. İşləriniz necədir?

- Nə deyim, vallah. Nə yaxşı ki, mənim ürəyimdə incəsənət sevgisi var, vaxtilə bu işlərlə məşğul olmuşam, televiziyada veriliş aparmışam. O vaxt “Rənglər və şedevrlər” verilişini apardırdım. İnan, o qədər rəylər gəlirdi, inanmırdım. “Qobustan”da baş redaktor olduğum vaxtdan bəri belə şeylər mənə kömək olub.

- Ələkbər Salahzadə rəhmətə gedəndən sonra baş redaktorluğu sizə kim təklif elədi?

- Yazıçılar Birliyinin rəhbərliyi. Və sözsüz ki, Fikrət Qoca.

- Müəllifini xatırlamıram, bir dəfə yazmışdılar ki, Fikrət Qoca Vaqif Əlixanlı ilə dostdur, ona görə imkan düşən kimi dostunu yanına gətirdi...

- Yox, yox. Fikrət Qoca ilə elə bir dostluğum yoxdur. Uzaqdan-uzağa məni tanıyırdı. Təbii ki, Anarın sədr kimi razılığı olmalı idi.

- Jurnalda çətinliyiniz nədən ibarətdir?

- Ən böyük çətinliklərdən biri odur ki, demək olar, “Qobustan” üçün yazan yoxdur. Çünki incəsənəti bilmirlər, bu işlə məşğul olmurlar. İncəsənət üzrə müdafiə edənlər elmi işlərindən bir parçanı bizim jurnalda çap etdirməlidirlər. Oxuyuram, görürəm, keyfiyyəti çox aşağıdır.

- Qonorar verə bilirsiniz?

- Yox, qonorar verə bilmirəm. Qonorar fondu var, amma o pul katricə, kağıza xərclənir. Hamısını öz pulumuzla alırıq.

- Müəllifə pul vermirsiniz və yazı istəyirsiniz...

- “Qobustan”da çap olunmaq baş ucalığıdır. 15-20 manat qonorar yazdım nolacaq, yazmadım nolacaq? O puldan da bir az vergiyə çıxacaqlar, ortada heç nə qalmayacaq. Ancaq entuziazmla yazmaq olar. Axır fikirləşib ortalığa bir şey çıxarırıq. Mənə elə gəlir, “Qobustan”ın bugünkü səviyyəsi pis deyil. Anarın, Fikrət Qocanın, Vidadi Paşayevin, Ələkbər Salahzadənin vaxtında olan səviyyəni saxlamağa çalışırıq. Bizim ən böyük çətinliyimiz yayımla bağlıdır. Biz jurnalı mətbuat yayımına təhvil veririk. Jurnal rayonlara gedib çatmır. Göndərmirlər, qardaş, bu iş təşkil olunmur. Heç Bakıdakı köşklərə paylamırlar.

- Nə düşmənçilikləri var?

- Düşmənçilik deyil e, bilmirəm, vallah, niyə belə edirlər. Bəlkə yayanlara maaşı biz verməliyik, bilmirəm, qardaş. Dodaq boyasından tutmuş, qaş aldırmağa, kirpik qaldırmağa qədər jurnallar satılır, “Qobustan” yox. Təəssüf ki, bunlara yer ayrılır, “Azərbaycan”, “Ulduz”, “Qobustan” jurnalları satılmır.

- Siz “Azərbaycanfilm” kinostudiyasında baş redaktor və direktor müavini olmusunuz. İstəyirəm, kino fəaliyyətinizdən danışaq...

- O vaxt baş redaktor həm də direktor müavini hesab olunurdu. Mərkəzi Komitədə mədəniyyət şöbəsinin müdiri Azad Şərifov idi. Təsdiq üçün üç dəfə onun qəbulunda oldum. Allah rəhmət eləsin, kinostudiyanın direktoru Cəmil Əlibəyov dedi, Vaqif, səni təsdiq etməyəcəklər, çünki sən böyük nəsildənsən. Bizim Əlixanlılar Fətəli xanın nəslindəndir. Fətəli xanın kiçik oğlu Şeyxəli xan dinc oturan adam olmayıb. Deyirmiş, Qubanın, Bakının xanı mən olmalıyam. Ruslar görüb yox, bununla mümkün olmayacaq, general Zubovun əli ilə bunu öldürməyə çalışıblar.

““Qobustan” üçün yazan yoxdur. Çünki incəsənəti bilmirlər, bu işlə məşğul olmurlar”

Şeyxəli xan gecənin birində ən yaxın adamlarını yığıb bizim Yerfi kəndinə gəlir, orda məskunlaşırlar. Bizim kənd elə bir yerdir ki, qayanın altında iki nəfər gizlənsə, bir qoşunun qabağını alar. Hətta Fətəli xan vaxtilə paytaxtı Yerfi kəndinə köçürmək istəyirmiş. Zubov Şeyxəlini öldürmək üçün qoşun çəkir, görür, mümkün olmayacaq, şaxtadan-çovğundan qırılacaqlar, geri çəkilir. Bir müddətdən sonra Şeyxəli qoşun yığmaq üçün Şirvana keçir. Elə o gedən də gedir. Bu belə. Bundan başqa əmim hüquq fakültəsinə girir, deyirlər, sən burda oxuma, keç kitabxanaçılığa. Sonra ilişdirib tutdururlar. Atam müharibədən sonra ikiillik hüquq kursuna qəbul olur. On gün sonra deyirlər, adam artıqdır, sən çıx. Allah Heydər Əliyevə rəhmət eləsin. Gələn kimi belə şeyləri ləğv elədi. Ondan sonra qardaşım hüquq fakültəsini bitirdi, indi generaldır.

- Hansı qurumda?

- Ədliyyə Nazirliyinin Penitensiar Xidmətinin rəis müavinidir.

- Ssenarilərinizə filmlər çox az çəkilib...

- Kinostudiyada beş ssenarimi təriflədilər, sonra çəkmədilər. Ömər Xəyyam haqqında çoxseriyalı film ssenarisi yazmışdım. Maqsud İbrahimbəyov “Tacikfilm” üçün bu mövzunu işləmək istəyirdi, sonra yazmadı. Mən yazdım, bəyənildi, göndərdilər Moskvaya. Yuli Qusman mənə dedi, sən əsl rejissor ssenarisi yazmısan, məmnuniyyətlə bunu çəkərəm.

İranda Xomeyninin vaxtı idi, Ekran Yaradıcılıq Birliyinin sədri Xessin Qusmana deyib ki, ikimiz də yəhudiyik, İran deyər, Ömər Xəyyam haqqında filmi yəhudilər çəkir. Sonra Tofiq İsmayılov, Gülbəniz Əzimzadə çəkmək istədi, qəbul eləmədilər. Sonra Rasim Ocaqov girişdi, yarımçıq qaldı. O film Rasim Ocaqovun xörəyi deyildi.

“Dörd ssenari yazıb nazirliyə verdim, təriflədilər. Elə o qalan da qalıb, çəkilmədi”

Sonradan məlum oldu ki, Bakıdan Moskvaya anonim teleqramlar göndərilib ki, din məsələsidir, o film çəkilməsin. Rasim Ocaqova kömək üçün Odilşah Agişev adlı ssenarist vermişdilər. Onunla xeyli işlədik, sonra xəbər çıxmadı. İnişil eşitdim, Moskvada Ömər Xəyyam haqqında film çəkilir. Ssenari müəllifi də Odilşah Agişevdir. Nömrəsini tapdım, zəng elədim, səsi titrədi. Yalandan dedi, sənin ssenarin deyil. Nə isə, kinoda belə şeylər çox olur. Ondan sonra dörd ssenari yazıb nazirliyə verdim, təriflədilər. Elə o qalan da qalıb, çəkilmədi. 

- Mövzular nə idi?

- Eldar Quliyev təklif elədi ki, şərq detektivi işləyək. Yazıb verdim, Bədii Şuradan keçdi, səhəri Eldar Quliyev gəldi ki, mən işləməyəcəyəm.

- Axı Eldar Quliyev üç il əvvəl “Dərvişin qeydləri” adında şərq detektivi çəkdi...

- Ay sağ ol. O ssenari ilə bağlı çox şeyi danışmaq istəmirəm. Bədii Şurada çıxış elədim ki, ssenarimi sizə halal edirəm.

Qeyd: Vaqif Əlixanlıdan xahiş edirəm ki, bir az geniş danışsın. Bir müddət susur, sonra deyir, bu qədər bəsdir, əlavə heç nə deməyəcəyəm. Ki, ssenaristlə yoldaşdırlar, bir yerdə işləyirlər...

- Vaqif müəllim, mən sizin uğurlu tərcümənizdə Con Steynbekin “Siçanlar və adamlar” əsərini oxumuşam. Tərcümə sahəsi haqqında nə deyə bilərsiniz?

- Steynbekdən başqa Çingiz Aytmatovu tərcümə etmişəm. Heç kim haqqında danışmadı. İnanın, o əsəri qanımla tərcümə etmişəm. Bir adam deyə bilməz ki, filan yerində filan problem var. Bircə “Aydın yol” qəzetində Elmin Nuri mənimlə müsahibə elədi, vəssalam.  Yazıçılar Birliyində tərcümə haqqında müzakirə aparırdılar, bir nəfər adımı çəkmədi. Ruhu şad olsun, Arif Əmrahoğlu durub dedi, Vaqif Əlixanlı oturub burda, adını çəkən yoxdur. Xeyli xoş sözlər söylədi. Sizə deyim, tərcümə sahəsi dublyajdan da bərbad vəziyyətdədir. Bunlar qoşa yolunmuş qanadlardır. Tərcümələri vərəqləyirəm, görürəm, tərcüməçi Azərbaycan dilini bilmir. Ən yaxşı əsərləri korlayıb qoyurlar ora. Əlbəttə, yaxşı tərcüməçilərimiz də var. Məsələn, rəhmətlik Natiq Səfərov yaxşı tərcüməçi idi. Vilayət Hacıyev yaxşı ədəbiyyatşünas, yaxşı tərcüməçidir, özü də almancadan tərcümə edir.

“Tərcümələri vərəqləyirəm, görürəm, tərcüməçi Azərbaycan dilini bilmir. Ən yaxşı əsərləri korlayıb qoyurlar ora”

Mənim qızım Xarici Dillər Universitetində İspan dili kafedrasının müdiridir. Markesin “Yüz ilin tənhalığı” romanını ispancadan çevirmək istəyirdi. Tərcümə Mərkəzinin rəhbəri Afaq Məsuda xəbər göndərdim, səs-soraq çıxmadı. Sonra gördüm, tərcümə olunub.

- Günel Mövlud rus dilindən tərcümə edib...

- Bərbad tərcümədir, Azərbaycan dilində deyil. Bilirsən, hər yazıçının öz dili var. O atmosferi, kökü tutmalısan. Ən çətin yazıçılardan biri Andrey Platonovdur. Tərcüməsi mümkün deyil, amma belədən-belə tərcümə edirlər.

- Platonovu da Nəriman Əbdülrəhmanlı tərcümə edib...

- Ay sağ ol. Özünə də dedim, tərcüməni bəyənmədim. Elə bilirlər, Platonovu, Şukşini, Rasputini, Trifonovu, Belovu eyni təhkiyə ilə, eyni dillə tərcümə etmək olar. Halbuki, Trifonov şəhər nəsrinin nümayəndəsidir, Rasputin İrkutskda doğulub. Şukşini Azərbaycanda tanımırdılar. Oxudum, kitabını verdim Əkrəm Əylisliyə. Əkrəm “Canavarlar”ı tərcümə elədi.

- Əkrəm Əylisinin tərcümələri haqqında nə düşünürsünüz?

- Əkrəm yaxşı tərcümə edir, amma tərcümə etdiyi yazıçını öz havasına salır.

- Səhv etmirəmsə, siz “Space” TV-də dublyaj redaksiyasının baş redaktoru olmusunuz...

- Bəli. Dublyaj sahəsi başdan-ayağa problem içindədir. Vaxtilə Heydər Əliyev göstəriş vermişdi ki, Dublyaj Mərkəzi yaradılsın. Televiziyalar film sifariş etməli idi, həmin mərkəz də onun qazancına yaşamalı idi. Bu olacaqdı professional iş. Azərbaycan televiziyalarında gedən dublyajlara baxmaq olmur. Səviyyə yoxdur.

- Ən bərbad dublyaj hansı kanalda olur?

- Babatı Azərbaycan Televiziyasıdır. O birilərin heç biri haqqında yaxşı söz deyə bilmərəm. “Space”də dil baxımından çalışırdım, keyfiyyətli olsun. Amma səslənmə başqa məsələdir. Hər şey pula bağlıdır. Bir film beş min manatdan artıq başa gəlməz. Amma bu pulu vermirlər.

Sözardı: Pis odur ki, ilin-günün bu vaxtında Vaqif müəllim internetdən istifadə etmir. Məsələn, danışır ki, nəvəm öyrədir, gedən kimi hər şeyi yaddan çıxarıram. Sağollaşanda nə desə yaxşıdır: “Bu söhbət internetdə çıxacaq, hə? Görüm, necə tapıb oxuyuram”. Vaqif Əlixanlı kimi istedadlı, təvazökar adam üçün zəhmət çəkməyə dəyər: gərək kağıza çıxarıb aparam...

 


XƏBƏR LENTİ
"Qarabağ" vətənə nə vaxt dönür? 05:30
Bu, "Qarabağ"ın azarkeşlərə kiçik bir hədiyyəsidir - Gözəl 04:24
Azərbaycan üçün görünməmiş qazanc – UEFA reytinqi 03:30
Sənətçilərin “Qarabağ” sevinci + FOTOLAR 02:50
Leyla Əliyeva Qarabağın qələbəsinə bu cür REAKSİYA VERDİ + FOTO 02:25
"Karyeramda belə bir məğlubiyyətə sevindiyimi xatırlamıram" - Qurban Qurbanov 02:05
Rusiyanın Sudandakı səfirinin ölümünün ilkin səbəbi məlum olub + YENİLƏNİB 01:55
Çempionlar Liqasında bütün səbətlər müəyyənləşib - Qarabağın rəqibləri ilə tanış olun 01:48
Bakıda Qarabağ sevinci - CANLI YAYIM 01:41
Futbol QURBAN tələb edir - DOSYE 01:00
Siyasətdə piyada, idmanda isə atlı - Qarabağ Çempionlar Liqasında - TƏBRİKLƏR!!! 00:35
Şəkidə dəhşətli yanğın jurnalistə çətin anlar yaşatdı + VİDEO 00:30
23.08.2017
Xarici ofşor hesablarda zənginlərin gizlətdiyi vəsaitin məbləği - 1 trilyon dollar 23:49
Zabit Səmədov revanş görüşündə Errol Tsimmermanı məğlub edib + VİDEO 23:07
Avtomobillərin qiymətini kimlər qaldırır? - AÇIQLAMA 23:01
“Sabahı düşünən adam heç vaxt igid ola bilməz” - "Əli və Nino" əsərindən ƏN MƏŞHUR HİSSƏ 22:15
"Mən "yazammıram", qol çəkmirəm" - Reyd zamanı gərginlik + VİDEO 22:00
Sumqayıtda ata oğlunu bıçaqladı + VİDEO 21:41
Mingəçevirdə 21 yaşlı qadın həyat yoldaşı tərəfindən bıçaqlanıb 21:24
Tanınmış meyxanaçı həbsdən çıxdı 21:10
Şəkidə güllələnən şəxsin görüntüləri yayıldı + VİDEO 20:56
Xaçmaz sakinini elektrik cərəyanı vuraraq öldürüb 20:42
Premyer Liqa: 3-cü turun oyun cədvəli 20:28
Dənizdə batan əcnəbi xilas edilib 20:14
Mərkəzi Bankın qısamüddətli notlarının yerləşdirilməsi üzrə hərrac keçirilib 20:00
Nazirlik: Atmosferdə tozun miqdarı artaraq hazırda normadan 52 faiz yuxarıdır 19:45
Millinin iki oyun üçün HEYƏTİ 19:31
Nazirlər Kabinetində heyvanlarla bağlı müşavirə keçirilib 19:17
Bu Avropa dövlətinin Bakıdakı səfirliyi viza verilməsini DAYANDIRDI 19:00
İlham Əliyev bu müəllimlərin dərs yükü və əməkhaqqının artırılması haqqında SƏRƏNCAM VERDİ 18:44
Qəbul imtahanlarında test ləğv edilir? - Məleykə Abbaszadə izah edir + VİDEO 18:30
İlham Əliyevdən bu qurumla bağlı sərəncam - İşçilərinin sayı 572 nəfərdən 640-a qaldırılsın 18:13
Sabah Azərbaycanda dollar dəyişmək istəyənlərin NƏZƏRİNƏ! 18:01
İlham Əliyevdən içməli su ilə bağlı SƏRƏNCAM + SİYAHI 17:51
İlham Əliyevdən Şirvan Əbilovla bağlı SƏRƏNCAM 17:40
Prezident İlham Əliyev Nazirlər Kabineti Aparatının strukturunu təsdiq edib - YENİLƏNİB 17:35
Vitse-admiral Şahin Sultanovun cinayət işi Bakı Hərbi Məhkəməsinə qaytarılıb - YENİLƏNİB 17:31
Sergey Şoyqu: Suriyada vətəndaş müharibəsi bitdi 17:13
Atatürkə “mason” deyən hərbçi həbs olundu 17:00
Gədəbəyin bu kəndində işıq dirəyini ağaclar əvəz edir 16:50
Elza Seyidcahan YAP-a olan sevgisindən siyasətə gəlir: "Şahlardan və xanlardan qalan ənənədir ki..." 16:33
Ramil Quliyev hərbi salam verməsinin səbəbini açıqladı 16:22
Faytonçu Nazim onu xəstə salan həkimi polisə verdi 16:14
UNİCEF 2 yaşlı Zəhranın ermənilər tərəfindən öldürülməsinə münasibət bildirib 16:00
"Beynəlxalq Bank"ın 300 min manatını öz pulu kimi xərcləyən vəzifəli şəxsin məhkəmə prosesində MARAQLI DETALLAR 15:41
Azərbaycanda 3 nəfərin diri-diri yanaraq ölməsi ilə nəticələnmiş hadisə barədə Baş Prokurorluq və DİN məlumat yaydı 15:23
"Mahmudov və dostları onun evini banka girov qoyaraq, pul götürmək istəyiblər" - MTN işi 15:11
Təbriz təmsilçisinin Tehran fəthi davam edir – Qələbə 14:49
Azərbaycandan Həcc ziyarətinə kvotadan artıq sayda zəvvar gedəcək 14:39
Qətər ilə Türkiyə arasında ilk birbaşa dəniz xətti açılıb 14:34
Dənizkənarı Milli Parkda dənizdən naməlum qadın meyiti tapılıb 14:29
ABŞ Pakistanı müttəfiqlikdən silir 14:19
Bayram Kürdəxanılını öldürən şəxs bu məşhurun qohumu imiş 14:11
“Azexport”a 7 ayda 53 ölkədən 264 milyon dollarlıq ixrac sifarişi daxil olub 14:02
Bayram Kürdəxanılı və ya Bayramsız Kürdəxanı + FOTOLAR 13:47
Azərbaycanda ulduzluq, dəlilik, narkomaniya və QURBANLARI 13:34
Trampın Əfqanıstan siyasətini bu qızlar dəyişdi 13:17
Maşınına “Satılır” yazan cərimə edilə bilməz, amma… - Vaqif Əsədov 13:08
Regional Elektrik Şəbəkəsinin avtomobilini yandıran şəxs tutulub - DİN 12:54
İlham Əliyev Bakıda 257 nömrəli tam orta məktəbin yeni korpusunun açılışında iştirak edib + FOTOLAR + YENİLƏNİB 12:45
Sabahın hava necə olacaq? - AÇIQLAMA 12:30
DİN Bayram Kürdəxanılının ölümü ilə nəticələnən yol qəzası ilə bağlı məlumat yayıb 12:16
Bakıda bu evlər plana düşür - DİQQƏT! 12:01
Rusiyada dünya çempionunu öldürən Anar Allahverənovun saxlanılması üçün mükafat təyin edilib - 15 min manat 11:52
"Qarabağ" tarixi oyuna çıxır 11:41
Bakıda toz dumanı bir qədər də arta bilər - XƏBƏRDARLIQ 11:33
Türkiyədə keçiriləcək prezident seçkilərində Ərdoğanın ilk rəqibi məlum oldu - TANINMIŞ XANIM + FOTO 11:22
Naxçıvanda SU-25 hücum təyyarələri təlim uçuşları həyata keçirib + FOTOLAR 11:07
Bakıda küçədə yeni doğulmuş uşaq tapılıb 10:52
Bayram Kürdəxanılının ölümü ilə bağlı cinayət işi başlanıb 10:41
Bakının məşhur dələduz xanımı, vətəndaşların 300 min manatını mənimsəyən lombard sahibi tutulub + FOTO 10:00
Hitlerin qibtə etdiyi general: Ənvər Paşa – ARAŞDIRMA - FOTO 09:48
“Nörmand dördlüyü” ölkələrinin liderləri arasında telefon danışığı olub 09:22
ABŞ Rusiya ərazisində vizaların verilməsini dayandırır 08:46
Azərbaycan manatı üzərindəki təsvirlərin mənası 07:49
Necə “aldanırıq” – MARKETOLOQLARIN AĞILLI HİYLƏSİ 06:42
Böyrəklərdəki iltihabı müalicə edən 5 resept 05:38
Tanınmış meyxana ustası Bayram Kürdəxanılını avtomobil vurub ÖLDÜRDÜ 04:56
Dünya çempionunu xüsusi qəddarlıqla öldürən Anar Allahverənovu gözləyən CƏZA 04:35
ABŞ yenidən Rusiyanı “Taliban” qruplaşmasını silahlandırmaqda ittiham edib 03:32
Skandinavların dünyanın ən xoşbəxt insanları olmalarının 4 səbəbi 02:29
İndoneziyanın 9 müdrikindən biri olan azərbaycanlı + FOTO 01:48
Çempionlar Liqasının pley-off mərhələsinin bir sıra oyunları keçirilib - NƏTİCƏLƏR 01:25
Rusiya və Türkiyə İzmirdəki sərgidə 820 mln. dollar dəyərində kontraktlar razılaşdırıblar 00:59
Azərbaycan neftinin qiyməti 54 dollara çatır 00:47
İlin toyu baş tutdu: müxalifətlə iqtidar bir arada əyləndi + FOTOLAR 00:34
Füzuli və Cəbrayıl rayonlarının işğalından 24 il ötür 00:10