success closed Loading...

Çingiz Qənizadənin dairəsinin nəticələri də ləğv edildi - SENSASİYA

Mərkəzi Seçki Komissiyasının bu gün keçirilən iclasında 80 saylı İmişli-Beyləyqan seçki dairəsindən MSK-ya müraciət daxil olub.

Enter.News xəbər verir ki, müraciətdə səsvermə günü məntəqələrdə seçki pozuntularının olduğunu qeyd edilib. Ərizələrdə bildirilib ki, məntəqələrdə topa bülletenlər atılıb, seçicilərə bir neçə bülleten verilib, səsvermə nəticələrinə dair protokol məlumat lövhəsində asılmayıb.

MSK qərara alıb ki, 49 seçki məntəqəsindən 29-da seçkilərin nəticələri etibarsız hesab edilsin.

Qeyd edək ki, MSK sözügedən dairədən Çingiz Qənizadənin qalib olduğunu açıqlamışdı.

***

MSK sədri Məzahir Pənahov bildirib ki, sosial media onların ən etibarlı köməkçisidir: “Biz o məntəqələrlə ciddi işləməliyik. Bəzi şəxslər məntəqənin fəaliyyətini iflic halına gətirir. O məntəqələr cəzalanmağa layiqdir".