success closed Loading...

Obamanın Putinə final zərbəsi nə olacaq? QİSAS

icon datetime11.01.2017 13:28 icon comment icon visitor
shadow


Pentaqonun rəhbəri Eşton Karter Rusiyanın Suriyada terrorizmlə mübarizə aparmasını tənqid edərək, bunun dünyanı aldatmaq olduğunu bəyan edib. Onun sözlərinə görə, Rusiyanın Suriyada olması münaqişənin həllini daha da çətinləşdirir. Rusiya siyasətçiləri isə Pentaqonun açıqlamasını ABŞ prezidenti Barak Obamanın öz uğursuzluğunu gizlətmək cəhdi olduğunu hesab edirlər. Lakin bir çox siyasətçi Obamanın postunu təhvil verməmişdən öncə final akkordu vuracağını istisna etmir.

Enter.News xəbər verir ki, Rusiya Dövlət Dumasının informasiya siyasəti və texnologiyaları komitəsinin üzvü Vadim Denqin ABŞ-ın Rusiyaya qarşı açıq hücuma keçdiyini deyib.

“İstisna etmirəm ki, Obama getməmişdən öncə Rusiyaya qarşı final akkordunu vuracaq. Əslində Pentaqonun açıqlaması Obamanın özünə bəraət qazandırmasına hesablanıb. Çünki ABŞ-da bir çox insan Rusiyaya qarşı mübarizədə öz sərvətlərini xərcləyiblər. İndi Obama göstərmək istəyir ki, bu missiya yerinə yetirilib. Lakin Obama Rusiyaya qarşı final hücumu da edəcək. O bütün bunlarla qisas almaq niyyətindədir”, - deyə o bildirib.

news-detail
 

Federasiya Şurasının beynəlxalq məsələlər komitəsinin üzvü Serqey Sekov hesab edir ki, Rusiya Suriyada terrorçuluğun qarşısını almağı bacarıb:

“Obama administrasiyası Rusiyaya qarşı açıqlamaları ilə öz zəifliyini göstərir. Hansı ki, məhz Obamanın siyasəti nəticəsində İŞİD gücləndi və neft satışından böyük sərvət qazandı”.

Federasiya Şurasının müdafiə və təhlükəsizlik komitəsi sədrinin birinci müavini Frans Klinseviç isə qeyd edib ki, Rusiya bu gün terrorçuluğa qarşı mübarizə aparan yeganə ölkədir.

“ABŞ və NATO isə heç nə etmir, sadəcə imitasiya ilə məşğuldurlar. Amerikalılar müharibəni ən gəlirli ticarətə çevirdilər. ABŞ xüsusi xidmət orqanları və Pentaqon bu ticarətdən böyük pullar qazanır”, - deyə rusiyalı siyasətçi bildirib.

Gülnar Babazadə